Consumption Voucher Guide | Chope Hong Kong

Consumption Voucher Guide | Chope Hong Kong

香港消費券限定攻略：幫你諗好點用消費券享美食！
心大心細，仲未諗好用幾多消費券喺食呢？幫緊你，幫緊你，我哋幫你集齊晒唔同價位精選餐廳，
等你點都可以善用到HK$5,000食好西。實惠又得，奢侈都得，掂啦！

OR

下載Chope App，首次訂座輸入優惠代碼「NEWEDM」並成功出席，即免費送你一張Coco Espresso咖啡禮券﹙價值HK$35﹚！

經濟實惠的午餐

韓珍 (帝國中心)

韓珍 (帝國中心)

位於尖沙咀東的韓國燒肉店

必食: HK$78 起午市套餐

尖沙咀出名多地道韓國菜，呢到由韓國人主理，出名好客。就算午餐都有烤肉、人參雞湯同香辣蕎麥麵等數之不盡的韓國美食。快啲去同OPPA講下韓文啦！

付款方式: 支付寶香港, 微信支付香港

Green Common (荃灣)

Green Common (荃灣)

位於荃灣的健康綠色飲食文化

必食: HK$65 起午市套餐

今時今日食素絕對唔係「食草」。由註冊營養師設計，Green Common提供高蛋白素食菜單。「新肌肉能量碗」就以OmniPork新餐肉、牛油果、羽衣甘藍等入饌。加 HK$12仲可以食埋樂樂雞或炸薯條。

付款方式: 支付寶香港, 八達通

Greyhound Cafe (又一城)

Greyhound Cafe (又一城)

位於九龍塘又一城的新式泰國菜

必食: HK$98 泰式午市套餐

邊食鹵水鴨湯河同冬蔭功，邊飲杯凍泰茶真係好鬼正。點任何午市套餐都可以仲用半價，係半價！選購一款甜品、包括招牌奶茶、斑蘭同椰子千層蛋糕，超抵。

付款方式: 支付寶香港, 微信支付香港, 八達通, 拍住賞

CAMPSITE

CAMPSITE

位於鰂魚涌的露營用餐體驗

必食: HK$98 起午市套餐

露營絕對係香港一股新熱潮，同家人朋友去呢間露營風餐廳就夠晒in。唔好錯過午餐特有焗龍蝦配意大利粉，加 HK$38 仲可享有一杯紅或白酒。

付款方式: 支付寶香港, 微信支付香港, 拍住賞

The Diner

The Diner

中環真正原汁原味的美式餐飲體驗

必食: 週五 HK$98 起午市套餐

星期五等於開心日子，The Diner 每逢週五都有#FishFridays特別午餐，提供各種魚料理，包括平時冇嘅啤酒炸魚漢堡。前菜仲有玉米片同莎莎，好味開胃。

付款方式: 八達通

雅廊咖啡室

雅廊咖啡室

於當代設計風格的尖沙咀餐廳享用國際菜及海鮮自助餐

必食: HK$128 國際午餐美饌套餐

有甜品自助區嘅午餐一定唔會令人失望！品嚐各個由各國招牌菜組成嘅便當，例如燒鯖魚配壽司捲同日式吞拿沙律，或者印尼炒飯配肉骨茶同芒米卷。再盡情享用不限量窩夫、煎餅等啦！

付款方式: 支付寶香港, 八達通

書湘門第 (中環)

書湘門第 (中環)

位於中環的風味正宗湖南菜

必食: HK$88 起午市經典套餐

口痕想食下辣嘢? 試下人氣攸縣香乾炒肉同孜然黑椒牛肉。呢到所有菜式都帶辣，真係會焫焫焫著！

付款方式: 支付寶香港

性價比高的餐廳

香港The Tiffany Blue Box Cafe

香港The Tiffany Blue Box Cafe

位於尖沙咀以一抹Tiffany Blue色調映襯美饌

必食: HK$688 Tiifany下午茶兩位

Tiffany Blue係時尚界永恆不衰嘅顏色，全球第二間Tiffany Blue Box Cafe係你同閨密食tea最佳選擇。其中「迷你 BLUE BOX」用上茉莉花慕絲、橙檸檬蜜瓜啫喱、雲尼拿戚風蛋糕同雲尼拿曲奇整成，連埋三層架都係Tiffany Blue，靚到唔打卡都唔得。

付款方式: 支付寶香港, 微信支付香港, 拍住賞

普慶餐廳

普慶餐廳

位於佐敦以食物種類多元化及優質食材見稱的自助餐

必食: HK$568「Seafood 愛你」自助餐

由2021年10月4日開始有新自助餐食！普慶餐廳一向都係最受歡迎自助餐之一，復古風裝潢同超多選擇適合有要求又為食嘅你同我。今期特別推介多款時令海鮮，唔好錯過麵包蟹、生蠔、波士頓龍蝦同法國藍青口等等。

付款方式: 支付寶香港

OM Tapas

OM Tapas

重新演繹傳統西班牙美食的尖沙咀高級餐館

必食: HK$498 嚐味菜單

終於有機會咩都試下！⻄班⽛海膽北海道帶⼦脆包係其中一道超吸引嘅前菜，然後又有海鮮同肉類主菜，最後仲有正宗炸油條配可可醬做甜品。一定滿載而歸。

付款方式: 支付寶香港, 微信支付香港, 拍住賞

尚鮑 (尖沙咀)

尚鮑 (尖沙咀)

位於尖沙咀首間以南非鮑魚為主題的西餐廳

必食: HK$268 期間限定南非慢煮鮑魚魚子醬定食

以南非鮑魚為主題嘅西餐廳好少見，所有菜式由瑞士米芝蓮一星名廚Jean-Marc Soldati設計，包括南非慢煮鮑魚天使麵配俄羅斯魚子醬。低調奢華而唔會有罪惡感。

付款方式: 支付寶香港, 微信支付香港

Bistronomique (堅尼地城)

Bistronomique (堅尼地城)

堅尼地城海旁法式餐廳

必食: HK$468 六道菜套餐

去堅尼地城實行法國美食之旅。先品嘗傳統法式焗田螺同煎田雞腿，主菜不妨揀招牌法式烤乳豬或燒乳鴿。甜品就每日都未必一樣 — 問下你就會知！

付款方式: 支付寶香港, 八達通

燒鬼

位於銅鑼灣的日式放題

必食: HK$378 日式燒肉放題

以東瀛鬼怪為題。主打高品質和牛燒肉放題，最適合同食肉獸吃貨們大快朵頤。暗黑系裝潢夠晒型格，一路打卡一路食盡各款烤肉、海鮮、魚生同天婦羅等美食啦。

付款方式: 支付寶香港

Cruise空中餐廳及酒吧

Cruise空中餐廳及酒吧

位於北角的頂樓高級餐廳及空中酒吧

必食: HK$420 Feed Me! 套餐

鍾意睇高空靚景又鍾意食嘅foodies注意！呢間空中餐廳打頭陣就用時令即開生蠔配三文魚子迎接你，亦會以可可椰子雪糕確保你有個甜蜜結尾。至於主菜，主廚決定保持神秘，現場先會幫你度身訂造驚喜！

付款方式: 支付寶香港, 微信支付香港, 八達通, 拍住賞

盡地一鋪，一次過食盡HK$5,000！

逸東軒 (佐敦)

逸東軒 (佐敦)

位於佐敦逸東酒店的米芝蓮一星粵菜食府

必食: HK$800 米芝蓮星級盛宴

八道菜盡顯米芝蓮一星中菜逸東軒真本領！唔好錯過招牌明爐蜜汁叉燒同聽到都流口水嘅鮑汁扣原隻十頭鮑魚。每位另加 HK$460 可配搭推介美酒。

付款方式: 支付寶香港, 八達通

天龍軒

天龍軒

位於尖沙咀國際酒店內的米芝蓮二星粵式點心餐館

必食: HK$1,788 招牌嚐味菜單

單係講到米芝蓮二星，加上身處102樓，已經感受到餐廳氣派非凡。一定要試下顛覆你想像嘅鮑粒荷葉飯同炸釀鮮蟹蓋，足料到不得了！最適合一家大細舒服食餐好。

付款方式: 支付寶香港

茹絲葵牛排餐廳 (金鐘)

茹絲葵牛排餐廳 (金鐘)

來自美國位於金鐘的經典牛排館

必食: HK$1,030 晚市套餐

呢間高級傳統扒房一直被喻為牛排界頂尖，選用產量僅占全美牛肉0.5%，頂級牛肉中最高等級部位。餐前酒同龍蝦湯會令你胃口大開，到最後記住食埋雪糕或者雪芭為晚餐畫上完美句號。

付款方式: 支付寶香港, 微信支付香港, 拍住賞

Glassbelly Tea Lab

Glassbelly Tea Lab

位於銅鑼灣的頂級茶及美食體驗

必食: HK$1,880 晚餐

品茶係一項洗滌心靈活動，茶味複雜而層次豐富，好適合配唔同滋味菜式。帶好朋友一齊食餐以Tea Pairing為主軸嘅中西合璧典雅晚餐，感受茶、食物、藝術結合而成嘅獨特體驗。

付款方式: 支付寶香港, 微信支付香港

Matsunichi (大松日)

Matsunichi (大松日)

位於九龍灣融合多元概念打造的精緻日本料理

必食: HK$1,280 晚市套餐

菜單會依照四季變換而改變，所以到訪一次一定遠遠不夠。晚市套餐以壽司、天婦羅、鐵板燒等分類，迎合不同口味。A5和牛西冷係其中一款必嚐菜式！

付款方式: 支付寶香港

吉地士

吉地士

位於尖沙咀的米之蓮經典現代法國菜餐廳

必食: HK$2,088 Menu Dégustation

去半島酒店享用6道菜嚐味餐單，發掘包括香煎鴨肝配芒果蓉等清新嘅法式傳統滋味。望住來自巴黎六英尺高水晶銀色吊燈享用晚餐，感覺一定非常難忘。

付款方式: 支付寶香港, 微信支付香港